وصفة شهيه

طريقة عمل الكانيلوني بطريقة سهلة
بسم الله الرحمن الرحيم

المقادير
3 بيضات (حجم متوسط أو كبير ) / نصف أو ثلاث أرباع كوب من الحليب السائل (حسب نوع الحليب وقوامه ) / الدقيق (ما نقدرش نعطيكم مقادير مضبوطة له (حسب نوع الدقيق لكن ننصحك تضيفيه ملعقة بملعقة حتى تصلي للقوام المطلوب وه أخف من قوام الكيك ...وكل ما يكون القوام رقيق يكون الطعم أخف وألذ)


وأنا نضع الخليط في كأس عشان أسهل في الاستخدام ...وكذلك نستعين بفنجان قهوة عشان اضمن المقدار متساوي في كل قطعة وتكون جميع القطع بحجم واحد (أكيد المنظر ح يكون أحلى ) (وما أملى الفنجان لأخره عشان ما يتكون كانيلوني غليظ .....الرقيق أفضل )








وبعدها أحضري طاجين صغير مدهون دهن خفيف بزيت (ماتكتريش من الزيت لأن الغرض مش قلي الكانيلوني ....الغرض أنه ما يلتصق بالطاجين...من أسرار الكانيلوني الناجح انه ما يكونش مقلي ...


وهكذا فنجان ورا فنجان




وأهم شئ إن النار هادئة جدا وكل دائرة تستوي على مهلها ...لأنك لو استعجلتي وقويتي النار النتيجة مش ح تكون حلوة وأنا درت قطعتين واحدة بنار هادئة وواحدة على نار عالية عشان تشوفوا الفرق في المنظر


وبعدما تنتهي من كل المقدار ضعي دوائر الكانيلوني على جنب


ونبدأ بتحضير الحشو وهو عصاج اللحم المعتاد
وهي:


نضع شوي زيت على النار ونضيف له بصل مقطع صغير ...(ما تكتريش من البصل لأنه لو كان كتير ح يخلي المذاق حلو ومسكر )






وتقلبيه لحدما يتغير لونه





وبعدها تضيفي اللحم المفروم



وتقلبيه كل شوية لحد ما يتغير لونه وينشف مائه




ثم تضيفي القليل من الطماطم المعجون+ ملح + فلفل أحمر مطحون ( شطة )


وتستمري في التقليب من حين لأخر وتضيفي القليل من الماء لحد ما يستوي


(وإذا كان اللحم فيه شوية دهن قومي بتصفيته قبل الاستعمال )

بعدها حضري جميع الأشياء وهي : دوائر الكانيلوني واللحم العصاج وصحن فيه طماطم مبشور +رشة خفيفة جدا من الملح (ماتكتريش ملح هتستعملي جبن )


وبعدها تاخذي قطعة من الكانيلوني وتضعي بها قليلا من الحشو وتلفيها على نفسها وتضعيها في طاجين مدهون دهن خفيف بالزيت






وتستمري بنفس الخطوات إلى أن تنتهي من كل الدوائر

ثم تضعي الطماطم على وجه كل الأصابع (مع مراعاة تواجد الطماطم على وجوههن كلهن يعني مش بينهم )



ثم تضعي جبن مبشور (موتزاريلا أو جبنة رومي)

وتدخليها الفرن من الأسفل مع مراعاة :

عدم إطالة فترة بقائها في الفرن لان كل ما فيها مستوي (دوائر الكانيلوني وكذلك الحشو ) يعني يادوب يتغير لون الأصابع من الأسفل


ثم تحمريها من فوق (مش واجد يعني يادوب تسيح الجبنة فقط ...ماتخليش الكانيلوني يتحمر واجد ....عشان يكون المنظر أحلى والطعم ألذ
ولما تخرجيها من الفرن استعيني برأس سكين ووسعي وفكي الجبن بين كل الأصابع عشان تضمني تواجد الطماطم والجبن على كل قطعة...وما يتحركوش عند رفع الأصابع
وبالهناء والشفاء


انا والله مجرباه وطعمه كان لزيز

يا لذيذ يا رايق

تسلم ايديك على الوصفة

هنجربها طبعا

تقبلي مروري

دمت بالف خير

[ندعوك للتسجيل في المنتدى أو التعريف بنفسك لمعاينة هذه الصورة]

تسلمي جربيها وعليا

شكرا ياسارة علي الطبخات الحلوة بس المرة الجاية ابقي دوقينا ما تكليش لوحدك
ماشي